Во месец октомври им посакавме добредојде на новите студенти од студиските програми по Софтверско инженерство и иновации и UX/UI и графички дизајн на Brainster Next College (Бреинстер Некст колеџ).
Дел од новостите од минатиот месец беа презентирањето на проектите коишто студентите од втора година на Софтверско инженерство и иновации ги изработија за време на практикантската програма во тимот на иновации во Brainster (Бреинстер). Продолживме со претставување на новите студенти од двете студиски програми и студентите од првата генерација на студиската програма Софтверско инженерство и иновации што успешно преминаа кон втората студиска година. Воедно, го прославивме и осмиот роденден на нашиот основач, Brainster.
Во продолжение, прочитај повеќе за последните новости од Brainster Next College
- Уживајте во учењето и бидете најдобрата верзија од себе, драги наши студенти
Првиот академски час е почеток на остатокот од животот на младите луѓе. Момент кога компасот на нивниот живот се насочува кон иднината што ќе го дефинира нивниот професионален пат. Во која насока ќе се движи нивната академска приказна, зависи од самите студенти, од нивната посветеност, упорност и желба за знаење. Но, во тој процес голема улога играат и изборот на факултетот, квалитетната образовна програма, стручноста на професорите, кои заедно ќе го насочат студентот и ќе го подготват за избор на идеалната професија. Преку нашата иновативната студиска програма, практична работа и професори и предавачи со искуство од индустријата, нудиме ваква поволна стартна позиција на своите студенти.
Нашите идни софтверски инженери и UX/UI и графички дизајнери кои за првпат седнаа во своите студентски клупи го искусија и првиот академски час кој за овие млади лица полни со ентузијазам и големи очекувања претставува само почеток на патување исполнето со нови знаења, вештини, раст и достигнувања.
„На овој ден влегувате во ново поглавје во вашиот живот. Ова е приказна што ќе биде многу поразлична од сето она што ќе го доживеете, а јас ќе ви помогнам да имате најдобро искуство на нашиот факултет. Ние сме тука за вас и ќе бидеме тука за да ви помогнеме во секој чекор“, им кажа Александра Димкова, Student Success координатор на Brainster Next College.
Прочитај повеќе за атмосферата и советите што ги добија новите студенти од професорите.
- Само една година на Brainster Next College, а веќе со портфолио полно со работа на реални проекти. Како поминаа студентите на практикантската програма во Brainster?
Веб-страница на скопската гимназија „Раде Јовчевски Корчагин“, веб-платформа за организирање на хакатони, Bitbite.mk – апликација наменета за угостителски локали што сакаат да го дигитализираат нивното хартиено мени… По само една година учење на програмата Софтверско инженерство и иновации на Brainster Next College, нашите студенти со помош на нивните ментори успеаа да изработат софтверски продукти. Дел од студентите беа на платена летна пракса во Brainster (Бреинстер) на која ги работеа овие проекти.
За време на практикантското искуство, студентите беа под менторство на Ивица Пешовски, професор на Brainster Next College и CTO на Brainster кој ни сподели дека поради тоа што цела студиска година бил со студентите за време на трите предмети што им ги предавал, знаел што да очекува од нив и дека се спремни за изработка на софтверски продукти.
„Практикантските програми во многу компании се на лош глас дека се само за практикантите да следат онлајн туторијали, да помагаат со тривијални работи и да бидат неми набљудувачи на работната средина. Јас не верувам во таква практикантска програма, особено имајќи го предвид курикулумот што го направивме за студентите на прва година за студиската програма по Софтверско инженерство и иновации. Поради тоа уште кога со студентите ги договаравме условите за самата пракса им посочив што се очекува од нив, кои се одговорностите што ќе ги имаат, кои се задачите на што ќе работат и што ќе научат за време на нивната пракса“, изјави Ивица.
Прочитај повеќе за искуството на студентите од платената пракса.
- Запознај ги дел од студентите на студиската програма по Софтверско инженерство и иновации на Brainster Next College
- Запознај ги дел од студентите на студиската програма по UX/UI и графички дизајн на Brainster Next College
- Студентите од првата генерација на студиската програма по Софтверско инженерство и иновации што успешно ја завршија својата прва година
- Осум години иновираме, растеме и создаваме успешни приказни со вас
Приказната на на нашиот основач Brainster започна со силна желба и јасна визија – да создаде образование за иднината и успешен пат на секој студент до посакуваната кариера.
Во текот на изминатите осум години, од стартап – Brainster се трансформираше во водечка едукативно-технолошка организација, правејќи значителни чекори во образовниот сектор и ИТ-индустријата.
Низ овие иновативни образовни програми поминаа повеќе од 11.500 студенти, а тимот се зголеми на 70 вработени. По успехот на добропознатите академии, нареден предизвик беше успех во формалното образование, со што се започна приказната за Brainster Next College, првиот акредитиран практичен ИТ-факултет во Македонија. Brainster Next College и Brainster изградија тим од 150 професори и инструктори – искусни професионалци од индустријата и воведовме уникатна програма за вработување.
Прочитај повеќе за сите достигнувања и возбудливи случувања во изминативе осум години.
Brainster Next College е првиот акредитиран практичен ИТ-факултет кај нас кој нуди две уникатни додипломски студии за Софтверско инженерство и иновации и UX/UI и графички дизајн.
Преземи го првиот чекор кон успешна кариера и дознај повеќе за нашите програми, методологија на работа, професори и можноста „Студирај сега, плаќај по вработување“.
Закажи информативна средба сега!
