Приказната на Brainster започна со силна желба и јасна визија – да создадеме образование за иднината и успешен пат на секој наш студент до посакуваната кариера.
Во текот на изминатите осум години, од стартап – Brainster се трансформираше во водечка едукативно-технолошка организација, правејќи значителни чекори во образовниот сектор и ИТ-индустријата.
Низ нашите иновативни образовни програми поминаа повеќе од 11.500 студенти, а нашиот тим се зголеми на 70 вработени. Изградивме тим од 150 инструктори – искусни професионалци од индустријата и воведовме уникатна програма за вработување.
По успехот на нашите добропознати академии го основавме и Brainster Next College, првиот акредитиран практичен ИТ-факултет, а се проширивме и во соседството со отворање на Brainster Albania.
Дополнително, се позициониравме како лидер на пазарот со раст од речиси 100% во последните две години. А со тоа, се вброивме и меѓу топ-500 најуспешни компании во земјава, врз основа на вкупната нето-добивка за 2022 година.
Денес, ние сме горди што ги споделуваме нашите достигнувања и возбудливи случувања.
- Мрежа на 11.500 алумни
За само осум години, еволуиравме во реномирана едукативно-технолошка институција со мрежа од над 11.500 алумни. Овие студенти успешно се стекнаа со најрелевантните вештини на 21-от век, се добро подготвени за индустријата и опремени да напредуваат во динамичниот бизнис свет.
- Зголемување на успехот на студентите
Едно од нашите најгорди достигнувања е импресивната статистика од 734 вработени студенти само во последните две и пол години. Нашиот основач и извршен директор Петар Ниновски нагласува дека посветеноста на напредокот на студентите и соработката со индустриските партнери е клучот за овој успех.
„Тоа го правиме преку поддршка на напредокот на студентите и постојано следење на нивниот развој при совладувањето на програмите и нивна подготовка за следниот чекор – влез во индустријата. Тука спаѓа и соработката со нашите партнери од индустријата, кај нас и во странство, кои имаат доверба во нашите студенти и уште во текот на студирањето им овозможуваат работа на реални проекти, а подоцна и можност за вработување по завршување на студирањето“, вели Ниновски.
- Проширување на можностите
Во Brainster, ние сме посветени да останеме понапред од кривата и да ги задоволиме потребите на пазарот на труд кои се развиваат. Оваа посветеност доведе до лансирање на Академијата за лидерство и менаџмент, дизајнирана да обезбеди стипендии и финансиска поддршка за да ги поттикне младите луѓе, особено жените, да продолжат со кариерата во ИТ-индустријата.
Дополнително, воодушевени сме да го спомнеме и отворањето на нашето претставништво во Албанија. Оваа експанзија ни овозможува да ја донесеме Академијата за Front-End програмирање до сите студенти во Албанија, дополнително ширејќи ги придобивките од нашите иновативни образовни програми.
- Акредитација и иновации
Иновацијата е во срцето на мисијата на Brainster. Горди сме што постигнавме акредитација за нашата втора студиска програма на Brainster Next College, фокусирана на UX/UI и графички дизајн. Од основањето на факултетот во 2022 година, нашата програма за софтверско инженерство и иновации е активна и позната по својата единствена финансиска предност „Студирај сега, плати после вработување“.
- Премостување на јазот во образованието
Brainster и Brainster Next College се посветени на затворање на јазот во образованието преку технологија, иновации во учењето и експертизата на нашите извонредни инструктори и професори. Моделот на практично образование им нуди на студентите ветувачка иднина и можности за напредување во кариерата.
- Заедница која постојано расте
Како доказ за континуираниот раст и развој, Brainster сега може да се пофали со повеќе од 70 вработени со полно работно време и преку 150 посветени инструктори и професори. Заедно, ние сме посветени на обезбедување на најквалитетно образование и подготовка на студентите за успешна кариера во ИТ-индустријата.
Додека го славиме нашиот осми роденден, ја изразуваме нашата искрена благодарност до нашите студенти, алумни, партнери и целата заедница на Brainster за нивната огромна поддршка. Се радуваме на уште многу години посветени на мисијата за обликување на иднината на образованието.
Среќен 8 роденден Brainster!
