Современите високообразовни институции во земјите кои се позиционирани на врвот на светската скала за конкурентност обезбедуваат слоевидна функционална врска помеѓу студентите и нивните кариери, образование, економија и долгорочни национални стратегии за развој. Таквата стратешка определба е во основата на делувањето на нашиот модел. 

Градењето на кариерата на нашите студенти и алумни е во епицентарот на работата на нашата компанија, токму затоа центарот за кариера цели кон континуирана поддршка на секој еден студент во полето на кариерен раст и развој. Овој центар е главната сврзна точка помеѓу студентите, високообразовните институции и компаниите работодавци и е достапен за студентите од почетокот на нивното образование и по завршување на нивните студии.

Освен за поддршка на нашите студенти, кариерниот центар ќе биде отворен за јавноста. Изборот на кариера е тежок како за студентите така и за родителите, па токму оттаму ни дојде идејата самиот центар да функционира како своевиден консултативен кариерен центар каде родителите и децата ќе имаат можност заеднички да разгледуваат што е најдобро да учат, во зависност од нивните предиспозиции, желби, афинитети итн.

За нашите студенти овој центар го претставува мостот помеѓу нив и компаниите кои имаат потреба од таленти.