Истражувачкиот центар на Brainster Next промовира интердисциплинарна истражувачка култура која гради мостови меѓу повеќе различни области и профили на луѓе кои работат заедно на конкретни проблеми.

Истражувачите, предавачите и соработниците заедно работат на проекти од повеќе дисциплини кои вклучуваат роботика, машинско учење, вештачка интелигенција, образование и образовни модели, примена на ИТ алатки во различни области, комуникациски модели, одржливост, визуелни уметности, индустрија 3.0.

Работиме на реални предизвици и проекти кои вклучуваат можни решенија на важни општествени проблеми од типот на оптимизација на јавен превоз, мотивација за алтернативни типови на превоз, намалување на загадувањето и сл преку спој на уметност, наука, дизајн и технологија во средина дизајнирана за соработка и инспирација.

Целта на нашите проекти е да се адресираат решенија на проблеми од секојдневието, а во иднина да се продолжат и да се осамостојат како спин-оф компании на студенти, трансфер на технологии со индустријата, како и  индивидуални симпозиуми и изложби.