Креирање хипотези и нивно потврдување досега беше работа на научниците. Но, не повеќе. Научниците ја сфатија моќта на машинското учење и се потпираат на него за да дојдат до оригинални сознанија и да ги подобрат процесите во општеството.
На кој начин вештачката интелигенција оди чекор напред пред човековиот ум?
Научниците дизајнираат невронски мрежи со структура инспирирана од човечкиот мозок кои предлагаат нови хипотези засновани на мрежите на податоците наместо да се потпираат на човечки претпоставки.
Благодарение на ова, во обид да се забрза научниот процес и да се намалат човечките грешки и субјективни размислувања, многу области ќе се потпрат на машинското учење за помош.
Кои индустрии целосно ќе се трансформираат со помош на напредоците на вештачката интелигенција?
1. Здравствениот систем
Вештачката интелигенција веќе зема огромен замав во здравството на следниве начини:
- Поставување поточни дијагнози за пациентите благодарение на големата база на информации;
- Користење роботика за спроведување комплексни операции на многу побезбеден начин;
- Изведување прецизни операции без човечка интервенција;
- Детекција на болести и скенирање на телото за потенцијални заболувања.
2. Преработувачка индустрија
Досега, роботите се користеа за автоматизирање на едноставни, досадни и опасни задачи за луѓето. Сепак, овие системи постојано работеа под надзор на луѓето за да функционираат како што треба.
Меѓутоа, денес, вештачката интелигенција стана многу поефикасна за користење во производството, дури и совршена алтернатива за неквалификуваната работна сила.
Вештачката интелигенција не само што ќе да го замени човекот, туку ќе ги намали и трошоците за производство. Во просек, еден робот може да замени 250 работници.
3. Финансискиот сектор
Можеби ти е чудно како вештачката интелигенција може да вмеша прсти со финансискиот свет, кога во финансискиот сектор, човековата интеракција е неизбежна.
Финансиските советници нема да бидат заменети, но финансиските аналитичари можеби треба да ја преиспитаат сигурноста на своите работни места.
Вешташката интелигенција во блиска иднина ќе ги анализира податоците на клиентите за да понуди персонализирана понуда за клиентите, спречување на перење пари, финансиски измами и слично.
4. Малопродажба и поддршка за клиентите
Вештачката интелигенција во голема мера го подобри начинот на кој што се купува онлајн и како компаниите се грижат за своите клиенти. Чат ботовите кои нудат 24/7 поддршка за клиентите се само едно од делата на вештачката интелигенција во оваа насока.
Наскоро може да очекуваме чат ботовите да управуваат со личните детали на клиентите, да даваат персонализирани препораки, па дури и да разговараат како вистинско човечко суштество.
Трансформацијата е на хоризонтот
Вешташката интелигенција допрва ќе ја покаже својата моќ трансформирајќи ја секоја индустрија во блиска иднина – од малопродажба и поддршка за клиенти до јавен превоз и банкарство.
Прашањето е – колку ние ќе бидеме спремни да ги прифатиме придобивките што ќе ни ги понуди вешташката интелигенција. Дали максимално ќе ја искористиме моќта на ВИ или ќе се вратиме на стариот начин на правење на работите?
Како вештачката интелигенција успева да биде еден чекор пред научниците, дознај од овој линк: https://www.scientificamerican.com/article/ai-generates-hypotheses-human-scientists-have-not-thought-of/
