Brainster Next College не е типична образовна институција. Ова е место во кое креативноста се среќава со практичните вештини за да ги подготви студентите за работните места на иднината.
Првиот практичен ИТ-факултет е за студенти што сакаат да развиваат и технички вештини и креативно размислување, успеваат да се снајдат во средина што овозможува практично опкружување кога се учи. Место во кое идеите се претвораат во акција.
Ако бараш образование што ги подготвува студентите за предизвиците и можностите на иднината, ова е вистинското место за тебе.
Но, ако сакаш да продолжиш да учиш теорија, да не си предизвикан да се развиваш, критички да размислуваш и да ги решаваш светските проблеми, подобро е да се запишеш на друго место.
Подготвени студенти за реалниот свет
Нашите две студиски програми по Софтверско инженерство и иновации и UX/UI и графички дизајн ги подготвуваат студентите за реалниот свет, добивајќи знаење од професионалци од ИТ-индустријата кои им ги пренесуваат знаењата и новите технологии што им се секојдневна работа.
Хакатони на кои за 48 часа градат апликации, реални проекти и пракса во компании, предмет што го предаваат експерти од ИТ-компании се само дел од предизвиците пред кои ги исправаме нашите студенти кои гордо се носат со нив.
Прашавме неколку наши студенти како тие го доживуваат факултетот, што е за нив Brainster Next College?
Ива Чекарова, која е прва година на студиската програма Софтверско инженерство и иновации вели дека Brainster Next поттикнува практично опкружување за учење што ги охрабрува студентите да ја применат својата креативност на предизвиците од реалниот свет. Овој пристап им овозможува да експериментираат и да се изразуваат додека развиваат вредни вештини за решавање проблеми. За Ива, Brainster Next College е токму тоа што му недостасуваше на нашето образование. Практичен факултет што нуди најразлични можности.
„Како личност што е доста креативна, она што особено ми се допаѓа на Brainster Next е тоа што постојано нѐ охрабруваат да ги применуваме нашите креативни вештини и идеи за решавање на предизвици. На пример, кога креираме иновативни решенија за комплексни проблеми или при дизајнирање на креативни проекти за развој на заедницата, општеството и светот. Brainster Next нѐ поттикнува да размислуваме и нѐ охрабрува нашите креативни идеи да ги претвориме во реалност, што особено оди во прилог со мојот креативен дух. Она што најмногу ми се допаѓа при овој пристап е можноста за експериментирање и креирање, што ни овозможува нам студентите да се изразуваме на иновативни начини и да ги примениме своите креативни таленти за решавање на предизвиците“, вели Ива.
Инкубатор за иновации и креативност
Нејзиниот колега Слободан Милосављевиќ, Brainster Next College го доживува како инкубатор за иновации и креативност, каде студентите можат да ги претворат своите идеи во реалност. Колеџот го нагласува креативното размислување и дава можности за соработка и решавање проблеми преку проекти и хакатони.
„Brainster Next College не нѐ подготвува само технички, туку и креативно. Ова е место каде што образованието не е само за стекнување на знаење, туку и за инспирација за креирање на нови идеи и решавање на предизвици. Колеџот ги поттикнува студентите да размислуваат широко и да применуваат своите знаења во различни ситуации. Ако морам да го опишам Brainster Next на пријател, би му рекол дека е институција во која креативното размислување е во центарот на вниманието и каде студентите имаат можност да ги претворат своите идеи во дела“, вели Слободан.
Додава дека е задоволен и од тоа што Brainster Next College организира хакатони, што е одлична можност за студентите да работат во тимови и да креираат иновативни проекти за кратко време.
Кристијан Кралевски кој исто така учи на студиската програма Софтверско инженерство и иновации Brainster Next College го доживува како место што нуди уникатен спој на академско учење, личен развој и професионален раст.
„Brainster Next College за мене е место кое што секојдневно носи различни предизвици, пријателства и развој кон подобра личност и професионалец. Факултетот ме поттикнува да го исполнувам својот потенцијал со креативност, ангажираност и напорна работа. Многу сум задоволен од професорите и нивниот пристап, како и од студиската програмата која ја изучуваме. Најмногу ми се допаѓаат лабораториските вежби кои ги имаме на неделно ниво, бидејќи ме прават да се чувствувам како да работам на реален проект. Со континуирано учење и завршување на сите обврски надвор од факултетот, успевам да дојдам до одлични резулати“, вели Кристијан.
Креативноста буквално нема граници кога се во прашање и студентите од нашата студиска програма UX/UI и графички дизајн. Тамара Трајкова вели дека Brainster Next College користи иновативни методологии за учење кои ги поттикнуваат студентите да размислуваат за лидерството.
„Професорите се интерактивни и мотивирачки, а наставата се фокусира на практичното применување на знаењата. Студентите се поттикнуваат за претприемништво и развивање на лидерски вештини преку образовни програми“, вели таа.
Brainster Next College не е за секој!
Фокусот на Brainster next College е на праксата со цел студентите да се здобијат со практични вештини кои ги бараат ИТ и технолошките компании. Тоа не значи дека не се учи теорија, туку дека теоријата е во контекст на практичниот дел во кој се изучуваат најновите технологии и се употребува најнова литература.
Покрај иновативниот практичен пристап на образование, ова е единственот факултет во регионот што ја нуди уникатната финансиска поволност „Студирај сега, плаќај по вработување“. Студентите може да го завршат факултетот бесплатно и да почнат да плаќаат на бескаматни рати по вработувањето или дипломирањето.
Приемниот испит за упис на факултетот е во тек!
Работа на реални проекти, пракса во ИТ-компании, целосно имплементиран предмет во соработка со компанија партнер од индустријата, учество на хакатони на кои за 48 часа нашите студенти прават апликации… Потребно е многу, труд и учење, за да се биде во тек со студиите. Овој предизвик не е за сите!
