Пред почетокот на втората година од студиите решивме да ги навратиме студентите цела година наназад и да ги потсетиме на сите моменти и успеси кои ја исполнија првата година од студиската програма по Софтверско инженерство и иновации на Brainster Next College (Бреинстер Некст колеџ).
„Се двоумев помеѓу три опрции, ФИНКИ, ИТ-факултет во Софија и Brainster Next College. Одлуката ја донесов поради добриот склоп на предмети што се изучуваат и практичноста на факултетот“, ни сподели Костадин.
Како би го опишал твоето целокупно искуство како дел од првата генерација студенти на Brainster Next College? Како помина првата година од студиите?
Моето искуство како за прва генерација можам да кажам дека е солидно, доста работи беа иновативни и добри, но имаше некои работи од првиот семестар што беа подобри од вториот.
Што те мотивираше да се запишеш на ИТ-факултет?
Едноставно тоа е областа во која се пронајдов себеси во средношколските денови, не се гледав работејќи во друга област. Друга причина е можноста да работиш од различни места и секако, добрите плати и побарувачката на пазарот за оваа професија.
Дали се двоумеше помеѓу избор на факултет во странство или во Македонија? Што беше пресудно да ја донесеш одлуката да се запишеш на Brainster Next College?
Се двоумев помеѓу три опрции, ФИНКИ, ИТ-факултет во Софија и Brainster Next College. Одлуката ја донесов поради добриот склоп на предмети што се изучуваат и практичноста на факултетот.
Сподели ни некои најважни или незаборавни моменти од твојата прва година на студиската програма по Софтверско инженерство и иновации.
Би ги издвоил хакатонот на кој навистина го тестиравме нашето знаење и подготвеност, како и презентациите на нашето апликативно решение по предметот Имплементација на решение.
Кои беа твоите очекувања за факултетот пред почетокот на студиите и дали успеавме да ги достигнеме истите?
Очекувањата што навистина беа достигнати се: добро предавање од страна на професорите, професорите се пријателски настроени и достапни за комуникација, имавме практични примери и домашни, но во вториот семестар имавме поголем интензитет на работа и построго оценување.
Дали имаше некои специфични предизвици со кои се соочи во текот на првата година, академски или лично? Како се справи со нив?
Имав мал предизвик со Линеарна алгебра бидејќи сепак беше доста нов материјал многу поразличен од она што го имавме „поминато“ во средно, но благодарение на професорот Петар Јолакоски, видеа на YouTube и помош од колегите ги надминав овие предизвици.
Кој професор досега ти остави најголем впечаток?
Професорот Ивица Пешовски со своето огромно знаење во многу области во програмирањето, неговото темелно објасување и брзина на решавање на задачите и проблемите.
Како се снајде со интензивниот начин на учење и практична работа? Кој совет би им го дал на идните студенти по Софтверско инженерство и иновации?
Не престанувајте со учење во ниеден момент, дадете го максимумот, прашувајте повеќе прашања и најважно од сè барајте проекти коишто би ги изработиле самостојно за вежби и надградување бидејќи со решавање на проблем најдобро се учи.
Brainster Next College е првиот акредитиран практичен ИТ-факултет кај нас кој нуди две уникатни додипломски студии за Софтверско инженерство и иновации и UX/UI и графички дизајн.
Преземи го првиот чекор кон успешна кариера и дознај повеќе за нашите програми, методологија на работа, професори и како можеш да студираш сега, а да плаќаш по вработувањето.
Останати се само уште 3 слободни места на студиската програма по Софтверско инженерство и иновации, аплицирај сега!
