Search
Контакт

Студенти што размислуваат различно ќе ги решаваат најгорливите проблеми!

Заборави на „ставањето во калап“, на вклопувањето! Запознај ги нашите студенти кои размислуваат различно и го редефинираат значењето на учењето.
studenti_sto_razmisluvaat_razlicno | Softversko inzenerstvo i inovacii | UX/UI i graficki dizajn | Brainster Next College
Share

Brainster Next College, првиот практичен акредитиран ИТ-факултет ги слави оние што размислуваат различно! Нашите студенти учат во средина што ги инспирира, предизвикува, мотивира…
Brainster Next College (Бреинстер Некст колеџ) e место во кое никој не се грижи дали ќе се вклопи, тука се добредојдени оние што се фокусирани на напредокот и се трудат да најдат решение за предизвиците. Но, зошто е важно да се размислува поинаку?

Низ нашата историја има безброј примери кои покажуваат колку е важно различното мислење. Замислете што ќе се случеше ако Александар Флеминг не направил апсолутно ништо кога за првпат ја видел мувлата што растела на садот која после некое време почнала да го запира растот на бактериите. Додека другите можеби веднаш би го отфлиле експериментот како контаминација, Флеминг го препознал потенцијалот на мувлата и го изолирал пеницилинот, првиот вистински антибиотик. Додуша, велат дека не бил педантен, не си ги чистел садовите, па затоа увидел дека нешто интересно се случува со мувлата. Како и да е, сепак неговото „различно“ набљудување на нештата доведе до медицинска револуција, спасувајќи безброј животи. 

Примерот со Стив Џобс и корисничкото искуство е исто така вреден да се спомне, бидејќи и тој се осмели да биде поинаков. Наместо само да се фокусира на спецификациите и функционалноста, тој обрна внимание на корисничкото искуство – дизајнирање интуитивни, елегантни интерфејси и ставање приоритет на леснотијата на користење. Резултат на ова „различно“ размислување се iMac, iPod, iPhone и iPad.    

Како размислуваат нашите студенти?

Во нашите редови во Brainster Next College имаме многу студенти со уникатен начин на размислување. Нивните приказни се многу различни, но и исти, бидејќи сите се дел од заедница во која предизвикот е норма и сите се стремат да остават свој отпечаток во овој динамичен свет.

Ти звучи примамливо? Затоа, ти ги претставуваме нашите студенти кои не се плашат од невозможното и чии умови веќе размислуваат како да ги решат проблемите за кои никој не се осмелува да ги решава. Умови што мислат поинаку. 
Првиот практичен ИТ-факултет во Македонија е местото каде различното мислење ќе ти биде моќно оружје со кое навистина ќе можеш да направиш промена.

Таква е приказната на Сара Киселовска која студира на нашата студиска програма UX/UI и графички дизајн.

Сара од нејзиното раѓање била малку поразлична од другите девојчиња. Сакала повеќе да се дружи со нејзиниот постар брат и неговите другари отколку да игра со девојчињата на нејзина возраст. Од 4 годишна возраст успешно тренирала карате освојувајќи медали во детска конкуренција на државни, европски и светски првенства. 

„Оставена сама во борилиштето со противникот пред себе, морав да реагирам брзо и да изнаоѓам потези со кои ќе освојам поен. Потоа продолжив со кошарка и ракомет. И во двата спорта играв на позицијата playmaker. Од мене се очекуваше да бидам креативна во градењето на акциите и да го разигрувам целиот тим. Можеби токму тоа кај мене поттикна креативност и желба за натпревар и докажување“, вели таа.



Не е сигурна дали е поради спортот со кој се занимала или тоа е вродено, но Сара сфатила дека многу полесно ги разбира нештата и ги меморира ако ги прими визуелно, отколку да чита или да слуша за тоа. Уживала да гледа реклами на телевизија и уште во петто одделение си рекла: ,,Кога ќе пораснам ќе правам реклами и спотови’’. Нејзините родители ѝ излегувале во пресрет и ѝ овозможувале да посетува разни IT курсеви. 


„Во училиште ми беше многу важно моите презентации да бидат најкреативни, не толку од содржински колку од визуелен аспект. Моите идеи некогаш беа интересни некогаш чудни, а некогаш и погрешни. Знам да прифатам сугестија и критика но не така лесно. Мора некој добро да ме убеди да ја променам мојата замисла“, вели таа.


Доколку си спремен да им се придружиш, предизвикај се и запиши се на листата на чекање за да го решиш приемниот тест за следниот упис на Brainster Next College!


Вредноста на тоа да се биде уникатен

Нејзиниот колега Драган Стојчевски кој е прва година на нашата студиска програма Софтверско инженерство и иновации, пак вели дека моментот кога сфатил дека размислува поинаку од другите било за време на една дискусија која ја имал со пријатели на една спорна тема. 

„Тие имаа слично мислење, додека моето значително се разликуваше. Иако на почетокот се чувствував фрустрирано, бидејќи моите гледишта не беа прифатени, тоа ми донесе и возбуда која произлегуваше од фактот дека имам своја уникатна перспектива на одреден проблем. Овој момент ми овозможи да ја сфатам вредноста на тоа да се биде уникатен и да се размислува поинаку“, вели Драган.



Неговата единствена перспектива при решавање на проблемите и справување со предизвиците е тоа што гледа на проблемите на различен начин и се труди да користи поинакви методи за да најде решение. 

„Користам знаења и вештини од различни области за да дојдам до решение и гледам на предизвиците како можност за да се усовршам и прилика за да научам нешто ново, а не како пречки. Секако дека имало моменти кога ми било кажано дека имам луди и невозможни идеи. Во такви ситуации секогаш останувам смирен и давам објаснување зошто сметам дека мојата идеја е вистинската и да ги објаснам моите размислувања на најдобар можен начин“, вели тој.

Тими Трајковски, кој на Brainster Next College студира UX/UI и графички дизајн не се смета за некој што мисли премногу различно од другите, ама размислува на начин што според него е логичен, едноставен и ефикасен.

„Логиката ми е единствена перспектива која ја користам при решавање на проблеми, со тоа што секогаш пробувам да стигнам до решението по едноставни постапки, без оглед дали тоа ќе биде со изучување или истражување. Сите во животот поминале низ ситуации во кои им било кажано дека не би успеале, би биле невозможни или пак луди, но на сите тие негативни мисли најдоброто нешто што може некој да направи е да ги игнорира. Јас лично сум ги игнорирал и сум се фокусирал на себе си“, вели Тими.

Додека сите други се труделе да се “fit in the crowd”, Анастасија Василева, наша студентка од студиската програма Софтверско инженерство и иновации вели дека си одела по свое.

„Кога решавам некој проблем гледам да сум со “clear mind” и да сум смирена, иако не секогаш бев таква. Голем дел од времето ќе почувствував фрустрација и нервоза и во таков state of mind, ама не можеше ништо да ми тргне. И сега кога и да не можам да решам некој проблем ќе го оставам и ќе одморам, испијам кафе или едноставно ќе правам нешто да се смирам. Голема улога игра и слушањето музика, буквално ништо не правам без музика, па и решавањето проблеми“, вели таа.

Анастасија вели дека дури и за 90% од нејзините идеи добива одговор дека се „луди“, но тоа ја мотивира дури и повеќе за да го докаже спротивното.

Таа ги обожава новите предизвици, па само поради таа причина често има некое ново хоби или интерес. А, кога ќе најде нешто што ќе ѝ се допадне, не престанува дури не го усоврши до максимум.

Професорите нѐ поттикнуваат да размислуваме самостојно и критички

Ако ги прашате нашите студенти зошто избрале да се запишат на Brainster Next College, повеќето го даваат истиот одговор, уникатна студиска програма, многу пракса, работа на реални проекти…Токму во оваа насока е и одговорот на Сара:

„Програмата е одлично конципирана, креативна е, целосно го привлекува  вниманието на студентите и ја задржува концентрацијата. Ние не сме неми слушатели на предавањата туку активни учесници. Професорите ги почитуваат и потикнуваат нашите идеи со додавање на нивни сугестии но без инсистирање да размислуваме како нив. Немам искуство со традиционалните образовни програми, но она што го слушам од моите блиски сфатив дека таму се бара рабирање, меморирање и репродукција на дадената материја. Додека на Brainster Next College се здобиваме со модерни вештини преку нивна конкретна имплементација, притоа надградувајќи ја својата креативност“, вели Сара.


И таа, веќе ги применува знаењата во пракса.

„Веќе имам испратено свои решенија на неколку конкурси. Најново, учествував на конкурсот по повод 50 години Кинотека на Македонија. Изработив и highlight за професионален спортист. Моја другарка направи принт на дуксер со мој дизајн“.
 

За Драган, посветеноста и учењето се клучни фактори за успех. Вели дека студентите кои се посветени на учењето покажуваат подобри резултати и секогаш времето одвоено на учење е наградено. 

„Професорите играат важна улога во охрабрување и помагање на студентите да се справат со предизвиците на факултетот. Секогаш имаме поддршка, насоки и совети за учење. Тие не поттикнуваат да размислуваме самостојно и критички што ни помага не само во справување со предизвиците на факултетот, туку и за предизвици во животот и нашата кариера“, вели Драган.

За Анастасија, одлуката да се запише на Brainster Next College е една од најдобрите што ги донела досега.

„Иако е факлутет што бара доста часови вистински труд и напор, сметам дека добрите работи бараат време, па ова важи и за квалитетното образование кое бара многу посветеност. Професорите ни се од огромна помош бидејќи се тука за нас во кое било време, и ја ценат секоја дополнителна заинтересираност од студентите“.


Доколку си спремен да им се придружиш, предизвикај се и запиши се на листата на чекање за да го решиш приемниот тест за следниот упис на Brainster Next College!


Тими кој претходно учел на друг факултет, ни сподели дека едно од најдобрите нешта за него е тоа што нашите студенти имаат поддршка од  професорите кои им даваат задачи, совети и активности за да се чувствуваат охрабрени да го искористат сиот потенцијал.

„Го избрав Brainster Next College затоа што верувам во програмата и видов потенцијал кој што би сакал да го постигнам. Наместо традиционална програма имаме константна помош и ментори коишто ни го следат секој чекор за да нѐ управуваат кон правилниот пат“, вели Тими.

Совети за оние што не се вклопуваат во традиционалниот калап?

Сара, во иднина себеси се гледа како дизајнер кој ќе креира оригинални решенија кои ќе бидат уникатни, ќе привлекуваат внимание, ќе сугерираат, инспирираат и насочуваат.  Нејзиното мото e: „Избери ја работата која ја сакаш, и нема да мора да работиш ни еден единствен ден во твојот живот’’. Confucius

„На сите кои  чувствуваат дека не се вклопуваат во традиционалниот калап, а при тоа ги поседуваат основните човечки вредности како добрина, чесност и трудољубивост, им порачувам да не се грижат тие се во предност затоа што се издвојуваат од масата и полесно ќе бидат видени“.    

Драган додава дека доколку некој не се чувствува како да се вклопува би му укажал дека секоја личност е уникатна и тоа не смее да претставува пречка. 

„Различните гледишта придонесуваат кон поголеми успеси. Треба да верува дека неговиот уникатен пристап може да направи позитивна разлика. Да ги развива своите уникатни вештини кои може да донесат значајно влијание во различни области. Секогаш да биде спремен да започне нови работи и да тестира нови вештини различни од оние кои ги користел до сега“. 

Тими пак верува дека тимската работа и соработката, односно идеите на другите лица и твоите „различни мисли” комбинирано би имале многу големо влијание на решавањето на некој предзвик.

„Мислите комбинирани од повеќе луѓе се решението на секој проблем“, вели тој. 

За Анастасија, важно е да се разбере дека различноста и индивидуалноста се вредности кои денеска се најважни и смета дека нема подобра работа од тоа да си автентичен. 

„Океј е да имаш свој карактер кој не секогаш ќе се вклопи во традиционалниот калап, бидејќи не мора да се вклопи“, вели таа.

Запиши се на листата на чекање за следен уписен рок

Ако веќе се предизвика себе си и сакаш да учиш во средина во која студентите се среќни со нивниот уникатен начин на размислување и на место во кое ова се смета за силна страна, те охрабруваме да станеш дел од оваа заедница. 

Но, сакаме да ти кажеме дека нашиот факултет не е за секој! Односно дека е за млади луѓе кои не се плашат да учат, сакаат да постигнат високи цели, да го менуваат светот, за оние што сакаат да водат, не да следат.

Приемниот тест за упис на Brainster Next College е ќе биде повторно отворен за следниот уписен рок, а со тоа ќе добиеш можност и да ја искористиш шансата за финансиската поволност „Студирај сега, плаќај по вработување“. Во првиот уписен рок ги пополнивме група 1 и група 2.

Уписот на нашиот факултет е малку поинаков и селекцијата на нашите студенти е постога, бидејќи сакаме да сме сигурни дека во своите редови ги имаме студентите што се доволно храбри да прифатат да размислуваат поинаку и со задоволство да ги прифаќаат предизвиците.

Dare to be different!


Доколку си спремен да им се придружиш, се и запиши се на листата на чекање за да го решиш приемниот тест за следниот упис на Brainster Next College!


Share

Биди секогаш во тек со новости од Медиа

    Следи ги новостите од медија

      X

      Psst...😎 Првиот уписен рок заврши!

      Група 1 и група 2 се
      пополнети и веќе им
      кажавме welcome на
      новите студенти.

      Приемниот тест е отворен до 1 април!
      Не е шега 🤯

      Регистрирај се на листата на
      чекање за следниот уписен рок!

      Соработувај со нас

        Предложи Содржина

          Контакт Лице

          (+389) 070 239 915
          Или пиши ни на
          Softversko inzenerstvo | Brainster Next College

          Испратено!

          Твојата порака е успешно пратена. Соодветен човек од нашиот тим ќе те исконтактира најбрзо што може!