Search
Контакт

Студенти што сакаат да водат, не да следат, студираат на Brainster Next College!

Што мислат студентите од Brainster Next College за лидерството? Како нашиот начин на образование поддржува млади што сакаат да водат, а не да следат
studenti-sakaat-da-vodat-ne-da-sledat | Softversko inzenerstvo i inovacii | UX/UI i graficki | Brainster Next College
Share

Во секој од нас тлее желба да биде лидер, сакаме да го признаеме тоа или не! Не зборуваме за лидер што само ќе дава наредби, туку за оној што ќе води, инспирира и така ќе прави револуција во одредена област.

Во Brainster Next College (Бреинстер Некст колеџ), првиот практичен ИТ-факултет кај нас, ништо не е просечно. Ние сме жив екосистем преполн со исклучителни студенти, посветени професори и иновативни компании, сите обединети со заедничка амбиција – да бидеме домот на идните лидери. На оние што ќе ги поместуваат границите!

Родени лидери? Па, не е баш така

Херои од детството предодредени само за големи дела. Си ги слушнал приказниве. Иако романтичниот поим за „родени лидери“ има одредена вистина, тоа не е целата слика. Многу поединци поседуваат природни квалитети како што се харизма, самодоверба или љубопитен ум, што се карактеристики на лидерите. Но, самото лидерство се создава преку искуство и развој.

Во Brainster Next College, веруваме дека лидерството не е право стекнато со раѓање. Да, ги гледаме вродените квалитети. Но, со помош на нашите ментори и професори, искуства од реалниот свет, иновативите образовни програми им помагаме на студентите да не заборават дека може да водат, а не само слепо да следат.

Оваа синергија помеѓу природниот талент и стекнатите вештини е она што навистина го издвојува Brainster Next College. Ние, покрај тоа што ги  идентификуваме потенцијалните лидери, им даваме моќ да процветаат и да имаат значајно влијание.

Кире, Белма, Даниел, Тамара… Ова се само дел од нашите исклучителни студенти што сакаат да ги кршат правилата и да создаваат нови. Да водат, а не слепо да следат.

За Кире Јорданов, наш студент од втора година на студиската програма Софтверско инженерство и иновации лидерството може да се дефинира на многу начини, но во суштина, тоа се однесува на способноста на една личност да води, инспирира и влијае на одредена група на луѓе кон постигнување на заеднички цели. Како студент кој гледа кон просперитет и успех, лидерството за него не само што вклучува управување со проекти или тимови, туку подразбира и развивање на вештини како што се емпатија, одговорност и способност за слушање, разбирање и учење од други.
 

„Лидерството за мене претставува способност да се биде во оној преден ред на иновации и креативност, со одредена водечка фигура која ќе биде синоним за инспирација и мотивација за луѓето во дадената околина. А од друга страна лидерството само со себе носи одговорност за носење акции и одлуки кои најверојатно би биле клучни и со нив би требало да се покаже интегритет во сѐ што би правел еден лидер. И би требало да биде репер за останатите во неговата околина“, вели тој.

Кире на презентација на апликација во компанијата Intertec

Даниел Дечков, кој е прва година на истата студиска програма, пак вели дека прво што му доаѓа на памет кога некој ќе спомне „лидер“ е човек кој што во својот репертоар на способности треба да го има она што е потребно за тој да стане лидер, односно тоа е водство. 

„Под водство подразбирам да тој го зема својот тим во предвид и нивните способности сѐ со цел за тој тим да напредува во кое било поле. Лидерот својот тим треба да го мотивира и пренасочува кон целта којашто е замислена. Тој треба да е спремен да се справи со какви било проблеми без разлика дали тој лично или неговиот тим се соочува. Исто така треба да биде и решителен за било каква одлука што ќе го афектира неговиот тим и него“, вели Дечков.

Тамара Трајкова и Белма Хајрадиновиќ студираат на нашата уникатна студиска програма UX/UI и графички дизајн и се прва година. Како тие го доживуваат лидерството?

„Тоа за мене претставува процес на водење и влијаење на луѓе заедно кон постигнување на заеднички цели. Тоа вклучува почитување, слушање и водење со пример, но и охрабрување на учество и развој на талентите на другите. Лидерството се заснова на комуникација, инспирација и способноста да се создаде позитивна и инклузивна работна средина во која сите можат да се развиваат и да напредуваат“, вели Тамара.

Белма додава дека за неа вистински лидер е личност која е самоуверена и посветена на својата работа. Затоа, лидерот знае да постави приоритети и да најде алтернативи начини за поефикасно и поефективно извршување на работата. 

„Лидер е оној кој ги мотивира и охрабрува членовите на својот тим да ја завршат работата најдобро што можат. Тој треба да им помогне на членовите на тимот да напредуваат во нивната работа и да го забележат и пофалат нивниот напредок. Лидерот ги насочува членовите на тимот и им помага да постигнат заедничка цел“, вели Белма.

Кој светски проблем прво би го решавале?

Нашата методологија на учење ги мотивира студентите веќе да размислуваат како може да влијаат позитивно на решавањето на горливите проблеми во општеството. Затоа и се трудиме да им обезбедиме реални проекти т.н tech for good со кои ќе почувствуваат дека помогнале и дека имале импакт врз некој проблем. Затоа и ги прашавме кој проблем што се случува во свeтски рамки ги држи будни ноќе и како би ја искористиле нивната креативност за да го решат? Многу интересни одговори дадоа и на прашањето со која историска личност би сакале да решаваат некој проблем.


Доколку си спремен да им се придружиш на овие студенти, да стекнуваш лидерски вештини во мотивирачка образовна средина, и да студираш за 0 денари, сѐ до вработувањето, пријави се на листата на чекање за следниот уписен рок!


Проблем за кој често размислува Тамара е социјалната и економската нерамнотежа, особено во контекстот на различните нивоа на развој меѓу различните региони и земји. 

„За да се адресира овој проблем, би биле потребни неконвенционални пристапи како што се промена во економски модели за поддршка на вклучувачки раст, зголемување на пристапот до образование и здравствена заштита за сите. Мојата креативност би ја искористила за креирање на програми и иницијативи кои ќе ги поддржуваат малите бизниси, образованието и воведување на технологии што ќе ги олеснат вклучувањето на луѓето во економијата. Таквите програми би биле дизајнирани за да се промовира економска рамнотежа и за да се оствари постојан раст кој ќе ги вклучува сите слоеви на општеството“, вели Тамара.

Исто така конкретно би се посветила на проект кој би ги револуционирал начините на производство и употреба на чиста енергија. 

Тамара Трајкова (десно) на прв академски час

„Мојата цел би била да создадам систем за производство на електрична енергија кој би бил ефикасен, достапен и еколошки одржлив. Ова би имало големо влијание врз светската енергетика и би придонело за редуцирање на загадувањето на животната средина и намалување на зависноста од необновливи извори на енергија“.

Нејзиниот избор за личност од историјата со која би сакала да соработува е Никола Тесла, токму поради неговите револуционерни идеи во областа на електричната енергија. Тесла би ѝ бил идеален партнер за овој проект поради неговите генијални концепции и визија за бесконечната енергија од воздухот и слободна енергија за сите. 

Даниел, најмногу го плаши фактот што има луѓе низ целиот свет коишто се толку заматени од страна на социјалните мрежи што доведува до губење на basic knowledge кај сите од нив. Го иритира фактот што може да има конверзација со некоја личност што го има изгубено целиот концепт на некоја тема бидејќи некоја популарна личност го „решила“ тој проблем со неговата/нејзината статија што очигледно не е точна. 

„Пристапот што би го имал кон ова решение е тоа што би формирал FactCheck апликација/страница, па луѓето што имаат некое прашање околу соодветна тема би се насочиле таму и само релевантни луѓе кои што имаат соодветен „rating“ или имаат доволно искуство на таа тема да би можеле да одговорат“, вели Даниел.


Историска личност на која тој ѝ се одушевува е Марија Монтесори. И токму со неа би сакал да соработува кога би имал можност. Еве и зошто:

„Таа била активист што ги учела децата од рани години да бидат доволно едуцирани за понатамошнниот развој низ својот живот. Мислам дека Марија би се вклопила потполно во овој проект бидејќи се стремиме кон иста цел, доволно едуцирани личности коишто се отворени на секаква тема на разговор, ама да биде поткрепен со факти и знаење. Марија ги учела своите ученици со basic knowledge како решавање на загатки, учење на обични факти за светот што нѐ опкружува. Вака би се намалила фрустрацијата при обичен разговор на луѓето меѓу себе“, вели тој.

Кире објаснува дека проблемите кои се случуваат на светско ниво и што можат да предизвикаат загриженост се разновидни и често комплексни, вклучувајќи климатските промени, загадувањето, недостигот на чиста вода, неправедната дистрибуција на богатството, здравствените кризи. Но, во глобала тоа на што тој размислува е иднината и самиот развој на целото општество.

„Колку во иднина би можело да се развива целата цивилизација и технологија и дали таа би можела да се носи со самиот развиток, односно дали самото развивање би ги смалувало и елиминирало проблемите кои постојат. Искрено се надевам и гледам кон позитивната страна на оваа тематика и мислам дека е многу битен начинот на размислување и дејствување на новите и младите генерации. Областа и струката во која сме определени ние како студенти на Brainster Next Collеge, игра навистина голема и значајна улога во самата проблематика и развиток на цивилизацијата и технологијата“, вели Кире.

Како Brainster Next College ги негува лидерските потенцијали?

Brainster Next College е плодна почва за независни мислители, иноватори, решавачи на проблеми и идни лидери. Нашите професори ги охрабруваат студентите да прашуваат, да ги оспоруваат нормите и да ја градат иднината.

Даниел смета дека тоа што професорите ги оставаат сами, преку решавање на проблемите и предизвиците на предадениот материјал е доволна мотивација за нив како личности, сами да размислуваат и да пронаоѓаат решенија.

Даниел Дечков, лани имаше најдобри резултати на приемниот тест

„Нормално, ако наидеме на проблем при решавање на зададената задача тие се тука да ни пружат помош. Но, тоа што не оставаат самостојно да размислуваме и решаваме ни придонесува доволно за развивање на нашиот mindset да размислуваме како лидери“.


Доколку си спремен да им се придружиш на овие студенти, да стекнуваш лидерски вештини во мотивирачка образовна средина, и да студираш за 0 денари, сѐ до вработувањето, пријави се на листата на чекање за следниот уписен рок!!


Белма, пак додава дека спротивно од стандардното македонско образование, факултетот пред сѐ нуди почит, култура, професионалност, а знаењето се наградува и се гради на прав начин, преку практични предавања, примери, а не само теоретско знаење.

За Кире, Brainster Next College, со својата иновативна методологија на настава и учење, како и преку ангажманот на квалификувани професори, игра значајна улога во мотивирањето на студентите да размислуваат и развиваат лидерски вештини. 



„Ставен е силен акцент на проектно ориентирано учење, каде се работи на реални проекти. Оваа практика не само што ги подготвува студентите за вистинскиот свет на работа туку и ги поттикнува да преземаат иницијатива, да бидат креативни во решавањето на проблеми и да развиваат способност за водење на тимови и проекти. Професорите не се само предавачи, туку и ментори кои нѐ поддржуваат во нашиот развој. Нивната посветеност да ги споделуваат своите знаења и искуства, како и отвореноста за дискусија и повратни информации, создава средина во која се чувствуваме овластени да преземаме лидерски улоги. Голем дел од нив нѐ поттикнуваат да го развиваме доживотното учење како вредност, и нѐ подготвуваат за постојано да се прилагодуваме и справуваме во динамичниот свет на работа“, објаснува Кире.

Нашите студенти во иднина се гледаат како лидери кои не само што ќе имаат импакт врз тимовите со кои ќе работат, туку и како идни двигатели на општествените промени.

Тамара во иднина се гледа како лидер кој не само што има визија за иднината, туку и поседува емпатија која му овозможува да разбере и да се поврзе со потребите и мислењата на другите. 

„Моите комуникациски вештини ми овозможуваат да влијам на другите со јасно и ефикасно комуницирање, додека мојата решителност ме поддржува во превземањето на тешки одлуки и превладувањето на предизвиците“, вели таа. 

Белма вели дека веќе има некои вродени карактеристики за добро лидерство како што се око за детали, размислување однапред и способност да прави повеќе работи одеднаш. Но, за да биде успешен лидер смета дека треба да има и добра менторска подршка, знаење и адекватна повратна информација.

Белма на првиот академски час

„Да се биде лидер пред сѐ е голема одговорност. Исто така да се биде добар лидер во мирна средина е лесно. Но, да се биде лидер во нестабилно опкружување е предизвик, смета Белма“.

Кире, во иднина се гледа себе си како лидер што инспирира, мотивира и овозможува на другите да достигнат до својот максимален потенцијал. 

„Лидерството за мене значи да бидам пример за следење, не само преку зборови, туку и преку дела. За да се води успешно и да се избегне слепото следење, сметам дека е клучно да се поседуваат, развијат и одржуваат квалитети како што се визионерство, емпатија и разбирање, комуникациски вештини, одлучност и храброст, мотивација, доверба, адаптабилност и непресушна инспирација и креативност“, вели тој.

Ова се само неколку примери и размислувања на нашите извонредни поединци за кои Brainster Next е многу повеќе од факултет. Со негување на вродените таленти и стекнатите вештини, ние ги опремуваме нашите студенти да станат лидери кои ќе обликуваат посветла иднина.

Ако веќе се предизвика себе си и сакаш да учиш во средина во која студентите се охрабрени да го постигнат својот максимум, те охрабруваме да станеш дел од оваа заедница. 

Но, сакаме да ти кажеме дека нашиот факултет не е за секој! Односно дека е за млади луѓе кои не се плашат да учат, сакаат да постигнат високи цели, да бидат лидери, да водат, а не само слепо да следат.

Приемниот тест за упис на Brainster Next College ќе се отвори за следниот уписен рок. Пријави се на листата на чекање, а со тоа ќе добиеш можност и да ја искористиш шансата за финансиската поволност „Студирај сега, плаќај по вработување“.

Dare to be a leader!


Доколку си спремен да им се придружиш на овие студенти, да стекнуваш лидерски вештини во мотивирачка образовна средина, и да студираш за 0 денари, сѐ до вработувањето, пријави се на листата на чекање за следниот уписен рок!


Share

Биди секогаш во тек со новости од Медиа

    Следи ги новостите од медија

      X

      Psst...😎 Првиот уписен рок заврши!

      Група 1 и група 2 се
      пополнети и веќе им
      кажавме welcome на
      новите студенти.

      Приемниот тест е отворен до 1 април!
      Не е шега 🤯

      Регистрирај се на листата на
      чекање за следниот уписен рок!

      Соработувај со нас

        Предложи Содржина

          Контакт Лице

          (+389) 070 239 915
          Или пиши ни на
          Softversko inzenerstvo | Brainster Next College

          Испратено!

          Твојата порака е успешно пратена. Соодветен човек од нашиот тим ќе те исконтактира најбрзо што може!