Кристијан Кралевски од Скопје има 19 години и ни доаѓа од СУГС „Орце Николов“. Во средношколските денови, најголемиот предизвик му било учењето на насоката природно-математичко А кое успешно го насочила кон програмирањето. А, сега е спремен за новиот предизвик да студира на студиската програма по Софтверско инженерство и иновации на Brainster Next College (Бреинстер Некст колеџ) и да се стекне со најбараните ИТ-вештини во светот.
„За време на средното образование програмските јазици ми беа особено интересни. Ми се допаѓа начинот на кој се развива оваа гранка и сметам дека иднината се заснова токму на тоа“, ни сподели Кристијан.
Здраво Кристијан. Ти си еден од нашите нови запишани студенти на студиската програма по Софтверско инженерство и иновации на Brainster Next College. Па ајде да те запознаеме. Сподели ни нешто за тебе.
Здраво, јас сум Кристијан Кралевски, имам 19 години и живеам во населба Аеродром во Скопје. Уште од рана возраст, покажав голем интерес кон спортот. На свои 5 години започнав да тренирам фудбал, но по 9 години, преминав во ракометниот свет.
Од кое средно училиште ни доаѓаш? Раскажи ни малку за твоето школување, што ти беше најголем предизвик, во какви сеќавања ќе ти остане училиштето?
Доаѓам од СУГС „Орце Николов“. Најголемиот предизвик за мене го поврзувам со учењето на насоката природно-математичко А кое успешно ме насочи кон програмирањето. Средношколските денови ми беа исполнети со голема дружба, насмевка и нови и незаборавни пријателства.
Дали ќе ја искористиш можноста „Студирај сега, плаќај по вработување“? Што мислиш за оваа понуда која е прва од ваков тип во Македонија?
Иако многу ми се допаѓа оваа понуда „Студирај сега, плаќај по вработување“ бидејќи дава можност на сите студенти, независно од нивната финансиска состојба, сепак се одлучив да не ја искористам истата.
Зошто одбра да студираш на додипломската студиска програма за Софтверско инженерство и иновации, зошто конкретно одбираш кариера во овој правец? Дали имаш некое претходно искуство во ИТ-сферата?
За време на средното образование програмските јазици ми беа особено интересни. Ми се допаѓа начинот на кој се развива оваа гранка и сметам дека иднината се заснова токму на тоа. Во слободно време преку користење на интернет и големиот број на ресурси стекнував нови знаења во различни програмски јазици.
Што ти се допаѓа најмногу кога е во прашање оваа студиска програма на Brainster Next College: предметите, наставниот кадар, или пак праксата? Зошто токму тоа?
Иако сметам дека сè од горе наведеното е важно, лично за мене е клучна праксата која оваа студиска програма ја нуди бидејќи дава можност за реално соочување со одреден проблем.
Пак ќе те вратиме на училиштето. Од овој денешен аспект, ако имаш некоја моќ, што е она што би го променил во македонското образование? А, што е тоа што ти се допаѓаше?
Доколку би имал моќ, би ја променил наставната програма на одредени предмети со цел позасилено учење на предметите од интерес. Конкретно во моето училиште ми се допаѓаше можноста за извршување на дополнителни активности каде учениците можеа да ги покажат своите таленти и дополнително да се пронаоѓаат себеси.
Што ти е најважно кај професорите, имаше ли некој што те инспирираше досега и какви професори би сакал да имаш на Brainster Next College?
Според мене, од клучна важност е начинот на пренесување на знаењето кое професорот го поседува. Односот професор-студент треба да се состои од обострана почит и разбирање.
Што те инспирира во животот, имаш ли можеби некое хоби?
Во животот најмногу ме инспирира моето семејство и сите блиски личности кои несебично ме поддржуваат во одлуките. Со тоа ја зголемуваат мојата мотивација за поголем напредок во она кон кое целам.
Каде се гледаш себеси за 5 години отсега?
Себеси за 5 години се гледам како кариерно-исполнета личност што сè уште цели кон нови предизвици и успеси.
Brainster Next College е првиот акредитиран практичен ИТ-факултет кај нас кој нуди две уникатни додипломски студии за Софтверско инженерство и иновации и UX/UI и графички дизајн.
Преземи го првиот чекор кон успешна кариера и дознај повеќе за нашите програми, методологија на работа, професори и како можеш да студираш сега, а да плаќаш по вработувањето.
Останати се само уште 3 слободни места на студиската програма по Софтверско инженерство и иновации, аплицирај сега!
