Вештачката интелигенција (Artificial Intelligence) направи револуција во различни сектори, a образовниот сектор не е исклучок. Во последниве години, образовните институции го истражуваат потенцијалот на новата ИТ-сензација, чет-ботовите, со цел да го подобрат искуството за учење на учениците. Денес, чет-ботовите со вештачка интелигенција се една од најкористените апликации на вештачката интелигенција во образованието. Овие чет-ботови се дизајнирани да симулираат човечки интеракции и да им помогнат на учениците со нивните потреби за учење.
Познавајќи го фактот дека секој ученик учи и разбира со различна брзина, што отсекогаш било тешкотија за образовните институции, користењето на чет-ботовите во учењето имаат потенцијал да го персонализираат искуството за учење на студентите, да дадат непосредни повратни информации и да им помогнат полесно да ги совладаат нивните студии.
Во продолжение, прочитај ги 3-те придобивки од користењето на ChatGPT во образовниот систем.
Персонализирано учење
Чет-ботовите со вештачка интелигенција со сигурност можат да го персонализираат учењето на учениците. Чет-ботовите може да се програмираат да обезбедуваат приспособени препораки и материјали за учење врз основа на стилот на учење и преференциите на поединечниот ученик. Овој персонализиран пристап може да им помогне на учениците подобро да се вклучат во материјалите за учење, бидејќи студентите повеќе се заинтересирани за материјали што се релевантни за нивните интереси и преференции.
ChatGPT може да се користи за персонализирање на искуството за учење преку обезбедување приспособени повратни информации и индивидуални насоки за учениците и студентите. Ова може да се направи со поставување прашања на учениците за нивните цели за учење, интереси и силни страни, и користење на тие информации за да се создаде приспособен план за учење. ChatGPT исто така може да им помогне на учениците да ги идентификуваат областите на слабост и да обезбедат вежби или ресурси за да им помогнат да се подобрат.
Дава брзи повратни информации
Клучот за подобрување во секој процес на учење е повратната информација. Чет-ботовите со вештачка интелигенција можат да обезбедат брза повратна информација до студентите и учениците. Можат да се програмираат да даваат повратни информации за задачите, квизовите и тестовите во реално време, што може да им помогне на оние што учат да ги идентификуваат областите каде што им треба подобрување. Ова може да влијае и на мотивацијата и желбата на студентите да се вложат повеќе во своите студии, бидејќи во реално време ќе можат да го видат напредокот. A дополнително, чет-ботот може да им даде објаснувања за неточни одговори, помагајќи им да учат од своите грешки.
ChatGPT може да се користи за администрирање тестови и квизови, оценување на работата на учениците и обезбедување повратни информации за областите за подобрување. ChatGPT може да ги анализира одговорите на учениците и студентите и да обезбеди детални повратни информации за областите каде што им треба дополнително насочување. Ова може да им помогне на учениците да ги идентификуваат нивните силни и слаби страни и да ги фокусираат своите напори на области каде што им треба најмногу подобрување.
Ако сакаш да дознаеш повеќе за нашата работа и како ги предизвикуваме нашите студенти со помош на технологија, закажи инфо средба!
Достапен во секое време
Користењето на чет-ботовите во образовните системи може да им помогне на учениците и студентите и да им го направи учењето забавно со што ќе го подобри нивното целокупно образовно искуство. Способноста да се учи на медиум кој е достапен 24/7 му овозможува на студентот да учи со свое темпо во секое време, а тое е нешто што им е важно на многу студенти.
ChatGPT е достапен 24/7, овозможувајќи им на соте што учат пристап до материјалите за учење и поддршка секогаш кога им е потребна. Без разлика дали станува за дополнително учење на јазици или пак пишување на содржина, постојаната достапност може да биде особено корисна, поготово за оние ученици кои имаат повеќе обврски во текот на денот.
Како заклучок, придобивките од користењето на ChatGPT во образовниот систем се многубројни, а дел од нив се обезбедување персонализирано учење, давање на брзи и непосредни повратни информации и неговата постојана достапност.
Но, она што треба да го знаеш е дека ChatGPT има и свои предизвици кои треба да ги имааш предвид. Иако ChatGPT е моќна алатка, таа не е совршена. Треба да знаеш дека можеби не секогаш ќе ги добиеш најточните или најрелевантните информации, што некогаш може само дополнително да те забуни.
Исто така треба да ја земеш во предвид и опасноста од плагијаризам и мамење. Оваа алатка треба да ти помогне во учењето, не да ја заврши целата работа за тебе.
Во светски рамки постојано се дискутира за импактот што вештачката интелигенција го прави не само на образованието, туку во сите области. Се прават истражувања за нејзиното влијание, како да се регулира, до каде ќе се оди…
Сепак, како што технологијата продолжува да се развива, чет-ботовите со вештачка интелигенција имаат потенцијал да играат сè поважна улога во образованието и дефинитивно можеме да очекуваме да видиме континуирани иновации и подобрувања во оваа област во годините што доаѓаат.
Како ние во Brainster Next College ја користиме вештачката интелигениција?
Вештачка интелигенција како концепт постои уште од 60-тите години на минатиот век, меѓутоа дури во 2022 година, со појавата на ChatGPТ, оваа форма на вештачка интелигенција претставена преку големи јазични модели (large language models), зеде вистински глобален замав. Кога првпат беше претставен ChatGPT, многу институции, но дури и држави како Италија, а дури и целиот континент Австралија ја забранија неговата употреба во образовна средина. Ова беше како резултат на стравот од страна на одговорните за носење одлуки во тие средини дека нешто ќе му се случи на системот кој и онака не функционира и кој несомнено треба да претрпи коренити реформи.
Ивица, Пешповски, професор на Brainster Next College, а воедно и Chief Technology Officer на Brainster вели дека во скора иднина познавањето и работата со AI алатките ќе биде на ниво на ракување со интернет и компјутери. Како ние ја користиме на факултетот?
„Во нашиот случај, најпрво во Brainster, па подоцна и во Brainster Next College негувавме култура на согледување на работите од поинаков агол, барање можности за постојано подобрување и не толерирање отпорност на промени. Од прв ден кога ние самите ги искусивме придобивките од вештачката интелигенција спакувана во алатка како ChatGPT, знаевме дека тоа е иднината на образованието и дека наместо да ја забрануваме, треба да ја охрабруваме, поттикнуваме и да ги подготвиме нашите студенти за иднината што доаѓа“, изјави професорот Ивица.
Лансирањето на ChatGPT коинцидираше со стартот на Brainster Next College. Во октомври 2022 започна нашиот прв семестар и во истиот тој месец, компанијата OpenAI дозволи јавен пристап до ChatGPT.
„Ова беше можност која јас како професор на факултетот одлучив да ја следам, и како поле на иден развој на мојата истражувачка кариера и како насока во која ќе ги водам студентите низ нивното студентско патување. Уште од првите лабораториски вежби студентите беа охрабрени да користат јазични модели за помош при нивното решавање. За да функционира овој начин на спроведување настава, морав да ги прилагодам задачите и материјалите така што од студентите ќе изискуваат разбирање, толкување и размислување и начин на кој без доволно разбирање на предметниот материјал, пристапот до ChatGPT и останати AI алатки е залуден. Втора година по ред, 20-тина лаборатириски вежби и 10-тина испити подоцна, сè уште студентите користат AI алатки на дневна основа, со цел да си го олеснат учењето и полесно да го совладаат материјалот, а не за да измамат оценки што со ваквиот начин на функционирање е невозможно“, дополни Пешовски.
Сето ова вроди со плод. Досега, за време на студиите, студентите од студиската програма Софтверско инженерство и иновации сработија неколку одлични проекти кои се доказ дека курикулумот и предавањата навистина ги спремаат за реалната работна средина. Креирање на платформата bitbite.mk, редизајн на веб-страницата на СУГС Раде Јовчевски – Корчагин, програмирање на апликацијата Breathe.mk се само дел од проектите што веќе го красат нивното портфолио.
Ако сакаш да дознаеш повеќе за нашата работа и како ги предизвикуваме нашите студенти со помош на технологија, закажи инфо средба!
