Search
Контакт

Топ 5 причини зошто да аплицираш на Brainster Next College!

Приемиот тест за упис на Brainster Next College е отворен, но ние не сме за секој! Прочитај кои се ТОП 5 причините зошто треба да аплицираш
top-5-pricini-aplikacija | Softversko inzenerstvo i inovacii | UX/UI i graficki dizajn | Brainster Next College
Share

Сето она што те нервираше, те правеше пасивен и незадоволен во традиционалното основно и средно образование, како многу теорија, тестови, учење напамет, немање практична настава… за Brainster Next College e историја!

Тука, образованието не е само чекирање полиња и пасивна апсорпција на информации. Нашата методологија на учење базирана на пракса, буквално разгорува оган кај студентите, мотивира, ги турка до границите на невозможното, ги буди и најзаспаните!

Замисли високо образование во кое нема само да седиш над книга и да „бубаш“, замисли дека ќе бидеш дел од заедница на колеги иноватори со кои после часовите ќе размислувате за вашата следна голема животна цел. Да учиш од експерти од индустријата кои не се само професори, туку и вработени во tech-идустријата кои она што ти го предаваат им е секојдневие. Помисли дека може да полагаш испит во компанија, да одиш на пракса кај нив додека студираш. 

Замисли да студираш за 0 денари, а да плаќаш откако ќе се вработиш

Всушност, не мора да замислуваш, ова веќе постои, на првиот практичен ИТ-факултет, Brainster Next College!

Зошто треба да аплицираш на Brainster Next College?

Твоето неконвенционално размислување е твојата суперсила, горивото што ги поттикнува иновациите и ја создава иднината. Одбери факултет што нема да ги „скрши“ твоите соништа. Ова се топ 5 причини зошто да нѐ одбереш нас:


1. Практичен факултет 

Ние сме првиот практичен ИТ-факултет во Македонија, и единствениот што функционира како германските, швајцарските и австриските fachhochschules или холандските universities of applied sciences. Односно, ние сме единствениот факултет што нуди дуално образование во високото образование во делот на ИТ. 

Што значи ова за студентите, објаснува генералниот менаџер на факултетот Александар Клашниновски:

„Фокусот е на праксата со цел студентите да се здобијат со практични вештини кои ги бараат ИТ и технолошките компании. Тоа не значи дека не се учи теорија, туку дека теоријата е во контекст на практичниот дел во кој се изучуваат најновите технологии и се употребува најнова литература“, вели Клашниновски. 


Ако се пронајде во топ 5-те причини зошто да аплицираш Brainster Next College, запиши се на листата на чекање за следниот уписен рок. Во првиот, ги пополнивме група 1 и група 2!


2. Соработка со компании уште во прв семестар, платена пракса во ИТ-компании секое лето 

Нашите студенти уште во првиот семестар ги поврзуваме со компаниите. Со нашиот основач Brainster, веќе осум години градиме партнерство со над 150 ИТ-компании од земјава и странство.

Оваа практична образовна методологија креирана согласно потребите на глобалната ИТ- индустрија е интензивна и динамична и гради средина во која студентите се предизвикани да го дадат најдоброто од себе. Всушност, секој пролетен семестар, еден од предметите претставува работа на реален проект, спонзориран и менториран од партнерска компанија од ИТ-индустријата. Целта на овој реален проект е сумирање и практична имплементација на знаењата стекнати од практичното и теориското полагање на сите предмети од тековната година и нивна примена во реална средина, во каква што ќе се најдат студентите по нивното дипломирање и вработување. 

Предметот се вика Имплементација на решение, а нашите студенти лани покажаа дека веќе во првата година се спремни да креираат функционални апликации, како на пример платформата BitBite. Оваа апликација со која угостителските објекти сами може да си направат QR код мени и да се дигитализират, веќе се употребува во неколку скопски ресторани и кафулиња. 

Погледни го видео-интервјто на нашиот студент Давид Петковски дадено за медиум, во кое го пренесува своето искуство.

Нашите студенти кои исполнуваат одредени услови летото исто така го поминуваат на летна пракса во компании

Кире Јорданов, Стефан Петров, Давид Петковски, Атанасија Ѓоргиевски, Дамјан Петрушевски, Мартин Цветкоски, Мартина Соколеска, Лео Новкоски, Стефан Хаџи-Ефтимов и Владимир Гелов се студентите што лани поминаа летна пракса во Brainster, Trimark, TontineTrust и Tabletmenukaart.

Алекс Долстра, основач на компанијата Tabletmenukaart кој на пракса „угости” двајца наши студенти вели дека праксата за време на студиите е од суштинско значење, затоа што овозможува студентите да ги применат теоретските знаења во реални работни ситуации. 

„Тоа реално работна искуство значително го зголемува нивниот квалитет како идни професионалци, бидејќи тие не само што ја зголемуваат својата практична експертиза, туку и развиваат важни меки вештини како што се тимска работа, комуникација и решавање проблеми. Ова директно придонесува за нивниот професионален развој. Исто, самите студенти добиваат реални примери од работна средина и за кус временски период и тие самите можат да споредат каде сакаат да ја продолжат својата кариера и каде се пронаоѓаат во однос на работни активности“, вели тој.

Долстра потенцира дека му било привилегија да работи со нашите студенти кои покажале извонредни способности. Во поглед на техничките вештини, тие биле извонредно подготвени и способни да се справат со предизвиците, секогаш покажувајќи подготвеност да учат и сами, но и да соработуваат со поискусните колеги. 

Алекс Долстра

„Во однос на меките вештини, посебно впечатливо беше тоа што размислуваат критички и можат да предложат иновативни решенија, нешто што ние посебно го цениме во нашата компанија. Најмногу нè воодушеви нивната проктивност и желбата за постојано усовршување, што е драгоцена особина која несомнено ќе ги води кон значителни успеси во нивната кариера“, вели Долстра. 

3. UP to date програма

Покрај тоа што нашите студиски програми се креирани во соработка со индустријата земајќи ги во предвид и новите технологии при креирањето на курикулумите, не запираме тука.

Ние сме единствен факултет во државава кој во својот курикулум има предмети што ги предаваат експерти од ИТ-компаниите и чиј силабус е дизајниран врз основа на технологиите и методологијата која овие професионалци ја користат во нивната секојдневна работа. 

На овој начин, нашите студенти како дел од редовната програма на студиите се изложени пред компаниите и ги обучуваат нивните идни работодавци кои ги тестираат и ги вработуваат студентите кои покажале најдобри резултати по овој предмет. Нашите студенти овој семестар учеа директно од тимот на Culturetec, основан од глобалната ИТ-компанија Intertec која вработува 120+ македонски професионалци во нивната канцеларија во Скопје. Во нивните канцеларии и го полагаа испитот.

Тамара Димитрова, лидер на тимот на Culturetec која работеше како ментор на нашите студенти објаснува дека студентите од втора година од студиската програма Софтверско инженерство и иновации практично го поминале целиот процес на продуктно инженерство.

Тамара на презентациите на нашите студенти во Intertec

„Овие типови на соработка се многу важни и за нас затоа што се дава реално знаење, се споделува што се работи во самите компании со образовните институции, со цел да знаат студентите што ги очекува кога ќе дипломираат и најважно да бидат подготвени со новите технологии што се користат во секојдневната работа, вели Тамара“.  


Ако се пронајде во топ 5-те причини зошто да аплицираш Brainster Next College, запиши се на листата на чекање за следниот уписен рок. Во првиот, ги пополнивме група 1 и група 2!


4. Професори – најдоброто од академскиот и tech-светот

Во областа на образованието, спојот на академската моќ и искуството од реалниот свет создава уникатно искуство за секој студент што не може да се научи од ниту еден учебник или книга. Предавачите на Brainster Next College, предавањата ги збогатуваат своето оргомно искуство, практични примери од секојдневната работа, организирање интересни проекти и задачи кои ги предизвикуваат нашите студенти. Всушност, станува збор за практично учење кое повеќе личи на подготовка за идната професија отколку на меморирање на факти.

Нашите full-time професори се комбинација на најдоброто од академскиот свет и ИТ-индустријата. Покрај нашите професори, дел од предметите ги одржуваат предавачи кои се експерти од индустрија. Тие се вработени во нашите партнерски ИТ-компании и држат предмети кои се дел од нивната секојдневна работа и експертиза со цел да ги доближат тие предмети до студентите. Годинава, дури 7 експерти од Culturеtec, седнавме во нашите клупи кои несебично го споделија знаењето со нашите студенети. 

Имаме и гостински предавачи од странски високообразовни институции, но и од светски компании, основачи, кои на Brainster Next Talks настаните ги инспирираат нашите студенти со своите неверојатни кариерни патувања. Нина Геометриева од Apple, Филип Арсов од Synapse Аviation се само дел од нив.
Еден од нашите најпочитувани професори, кои студентите не забораваат да го спомнат кога се зборува за поддршка, професионализам и менторство е Ивица Пешовски. Каков професор се труди да биде тој?


„Професорите што лично ми имаат оставено најдобар впечаток,  а и општо, професорите што ги инспирираат студентите и ги насочуваат кон тоа што за нив понатака ќе претставува професија и живот, се оние професори кои што покажуваат како се прават работите, многу ретко оние кои што истото го кажуваат. Од тука е и идејата и прашањето: Што ќе се случи ако сите професори и целата наставна програма е таква? Што ако работиме близу со студентите, им покажуваме и ги насочуваме во нивното секојдневно учење? На студентите не им се битни нивните студии, на студентите им е битно знаењето што ќе го добијат. Токму тоа е методологијата на работа што ја практикуваме тековно во Brainster Next College и Brainster. Токму тоа е целта на апликативните образовни институции – да му го пренесат на студентот знаењето што му е директно потребно за негово професионално остварување, вели Ивица“. 

5. Грижа за студентите и можности за вработување

Една од придобивките коишто ги добиваат студентите на Brainster Next College, првиот практичен ИТ-факултет во Македонија, е токму индивидуалното внимание што им се посветува од страна на целосен тим посветен само за нивното студентско искуство.

Наместо класичната студентска администрација или популарно наречените „студентски прашања“ како кај останатите факултети, Brainster Next College има Student Success тим чијашто цел е да ги следи и да им помага на студентите за време на целото нивно академско патување.

Една од главните цели на Student Success тимот е и кариерното насочување на студентите кое го прават заедно со целокупниот професорски тим како и лидерскиот тим на факултетот, сè со цел овозможување на студентите да се пронајдат во ИТ-кариера која ќе е соодветна на нивните силни страни и преференци за тоа каде се гледаат во иднина.

Brainster Next College е практичен факултет благодарение на ункатниот образовен концепт кој се темели на партнерства со компаниите за кои е задолжен Partnerships тимот. Реални проекти, пракса, организирање на хакатони и вработувањето на нашите студенти е нивна грижа.

„Партнерствата се обостран процес. Преку размена на идеи и заедничка работа на проекти, црпиме информации за тоа каков треба да биде „идеалниот“ студент. Врз база на тоа ги креираме нашите програми и ги подготвуваме студентите за работа во реалниот сектор како од Brainster, така и од Brainster Next College. Нашите програми се базирани на концептот „education for employment“. Ова значи дека се креирани и посветени на практични вештини или квалификации кои се најбарани на пазарот на трудот во моментов“, вели Јана Тодоровска, тим- лидер на „Partnerships“.

Ако се пронајде во топ 5-те причини зошто да аплицираш Brainster Next College, запиши се на листата на чекање за следниот уписен рок. Во првиот, ги пополнивме група 1 и група 2! Можеш и да добиеш можност за финансиската поволност „Студирај сега, плаќај по вработување“.

Но, те охрабруваме да прочиташ и кои се ТОП 5 причини зошто да НЕ аплицираш на Brainster Next College!

Share

Биди секогаш во тек со новости од Медиа

    Следи ги новостите од медија

      X

      Psst...😎 Првиот уписен рок заврши!

      Група 1 и група 2 се
      пополнети и веќе им
      кажавме welcome на
      новите студенти.

      Приемниот тест е отворен до 1 април!
      Не е шега 🤯

      Регистрирај се на листата на
      чекање за следниот уписен рок!

      Соработувај со нас

        Предложи Содржина

          Контакт Лице

          (+389) 070 239 915
          Или пиши ни на
          Softversko inzenerstvo | Brainster Next College

          Испратено!

          Твојата порака е успешно пратена. Соодветен човек од нашиот тим ќе те исконтактира најбрзо што може!