Во следните два месеци ќе ги следиме искуствата на студентите на Brainster Next факултетот како практиканти кај нашите партнер-компании. За да им помогнеме да се прилагодат што побрзо во новите работни средини и да одговорат најдобро што можат на новиот предизвик, им подготвивме неколку активности.
Студентите избраа тимски лидери од своите групи кои ќе бидат одговорни во текот на двомесечната пракса во Таргет Груп и Нетвторкер. Кристијан Кралевски заврши прва година на студиската програма на Софтверско инженерство и иновации и е тимскиот лидер на практикантите на Нетвторкер. Атанасија Ѓорѓиевски, пак, од истата програма, со завршена втора година ќе го предводи тимот на Таргет Груп.
За да им помогнеме на Атанасија и Кристијан да бидат успешни и ефективни како тим-лидери на своите групи, организиравме дводневна работилница за проектен менаџмент предводена од Огнен Трипуноски, проектен менаџер со 15 годишно искуство. Огнен ги запозна студентите со тоа што значи да бидеш тим лидер и која ќе биде нивната улога.
На работилницата се дискутираа стратегии за подобро организирање и комуникација со тимот и како да се прилагодат на работната средина. Меѓу другото, Атанасија и Кристијан се стекнаа со следните знаења:
– Знаење поврзано со проектен менаџмент;
– Управување со тимот;
– Управување со обемна работа на проекти;
– Како се испорачуваат брзи резулати во краток рок;
– Како квалитетно да се работи на проектот.
Овие средби не само што ќе им помогнат на студентите во текот на праксата, туку претставуваат и една проба за како би изгледало понатаму да водат своја компанија или тим.
„За време на работилицата научив како треба да се води еден тим успешно и научив дека треба да се има добра комуникација со својот тим за еден проект да биде успешен“. – Кристијан
„Научив како да го организирам тимот, како да дефинирам јасни цели за колегите кои ќе работат и како да го следам прогресот на целиот тим“. – Атанасија
На Атанасија и Кристијан им посакуваме успешна работа и организација на тимот, да продолжат да ја мотивираат својата група и да останат амбициозни!
