Дали побарувачката за UX/UI дизајн и оваа година ќе бележи вртоглав раст? Кои работни позиции ти се на располагање? Како на практичен начин да ги стекнеш најбараните UX/UI вештини? Дали сѐ уште не знаеш што е тоа UX/UI?

Толку многу прашања! Но, не грижи се.

Во оваа блог објава, ќе добиеш одговор на секое од нив и ќе имаш јасна претстава за тоа што е UX/UI, дали ова е вистинскиот пат за кариера за тебе и како можеш практично да научиш UX/UI дизајн преку работа на реални проекти, учество на 48-часовни хакатони и платени летни пракси.

UX и UI: Која е разликата?

Што е дизајн на корисничко искуство (UX)?

UX дизајнот се однесува на дизајнот на корисничкото искуство – интеракцијата помеѓу корисникот и производот/услугата. Фокусот на UX дизајнерот е поставен на тоа какво чувство предизвикува искуството кај корисникот и колку е едноставно за корисникот да ги постигне саканите дејства. На пример: Колку е едноставен процесот на наплата кога купуваш онлајн? Колку е лесно да управуваш со твоите парични средства на апликација за онлајн банкарство?

Крајната цел на UX дизајнот е да создаде пристапни, релевантни, ефикасни и all-around friendly искуства за корисникот. Запомни дека UX дизајнот не е за вижуали (тоа е работа на графичкиот дизајнер). Наместо тоа, тој се фокусира на искуството на корисникот кога доаѓа во контакт со одредена веб-апликација, веб-страница или платформа.

Што е дизајн на кориснички интерфејс (UI)?

Додека UX дизајнот се фокусира на оптимизирање на производот/услугата за ефективна и пријатна употреба, дизајнот на корисничкиот интерфејс (UI) се фокусира на изгледот и чувството на производот или услугата, презентацијата и интерактивноста. UI дизајнот го зема предвид изгледот, чувството и интерактивноста на производот/услугата кога станува збор за веб-страници и апликации. Сето тоа е да се осигура дека корисничкиот интерфејс е што е можно поинтуитивен. Ова значи внимателно испитување на секој визуелен, интерактивен елемент со кој корисникот ќе се сретне.

Да сумираме, ова е главната разлика што треба да ја знаеш:

UX дизајнот се однесува за целокупното чувство на корисничкото искуство;
UI дизајнот е за тоа како изгледа и функционира интерфејсот на производот/услугата.

Работни улоги за дизајнери на UX/UI

Сега, кога си запознаен со главните термини, ајде да ги видиме главните работни улоги што ги имаш на располагање:

UX/UI дизајнер

• Креирање кориснички текови, wireframes, прототипи и макети;
• Конвертирање на барањата во водичи за стилови, системи за дизајн, шеми за дизајн и привлечни кориснички интерфејси.

UX истражувач

• Градење на патот на купувачот и персони;
• Дизајнирање и извршување на посебни истражувања;
• Дефинирање, развој, тестирање и усовршување на прототипи;
• Дизајнирање истражувачки студии за генерирање на user-focused insights;
• Спроведување на различни истражувачки студии (корисничко тестирање, тестови за употребливост, концепт тестови, теренски студии, групни дискусии).

UX дизајнер

• Учество во истражување на корисниците и имплементирање на наодите за креирање UX стратегија и дизајн;
• Спроведување на тестирање на производи и развој на прототипи на производи врз основа на него.

UX Writer

• Истражување, развивање на стратегии и пишување user-friendly содржини;
• Создавање стратегија која работи со корисничкиот интерфејс за да ги води корисниците низ интуитивно искуство, лесно за користење.

Информациски архитект

• Обезбедување позитивно корисничко искуство преку планирање и развивање на информациска структура;
• Организирање информации и стратегии за дизајн врз основа на тоа како корисниците комуницираат со комуникациските системи на компанијата.

UX стратег

• Обликување и комуницирање на стратегии и дизајн на корисничко искуство;
• Дефинирање на целокупната UX визија низ дигиталниот екосистем.

UI дизајнер

• Дизајнирање и тестирање на екраните/страниците на производот/услугата;
• Создавање прототипи на интерфејс и водичи за стил на производи.

Дизајнер за интеракција

• Дизајнирање и корисничко тестирање на елементите за интеракција на производ/услуга;
• Развивање на product interaction прототипи.

Motion дизајнер

• Креирање и тестирање на подвижни елементи на производот како што се графики и анимации;
• Координирање на motion дизајни со UX стратегијата и корисничкото истражување;
• Развивање на product motion прототипи.

UX инженер

• Примена на програмски јазици како HTML, CSS и JavaScript за претворање на визуелните дизајни во работни прототипи;
• Трансформирање на motion дизајни и интеракција во product прототипи;
• Придонесување со технички совети и помагање на UX тимовите.

Девелопери на кориснички интерфејс

• Развивање, одржување и отстранување на скрипти и кодови за да се направи веб-страниците или апликациите да функционираат оптимално;
• Производство на дизајни во Photoshop и нивно претворање во кодови.

Дизајнери за интеракција

• Доставување дијаграми, навигација на flow charts и прототипи.

Како на практичен начин да ги стекнеш најбараните UX/UI вештини?

Сега имаш можност да почнеш да ги учиш UX/UI вештините уште во факултетските клупи. Brainster Next College (Бреинстер Некст колеџ), на своите студенти им нуди уште една уникатна и практична додипломска студиска програма, UX/UI и графички дизајн. Студентите запишани на UX/UI и графички дизајн учат по современа програма креирана според реалните барања на индустријата. Во рамки на курикулумот, предвидени се практични вежби, работа на реални проекти и 48-часовни хакатони на кои студентите ги применуваат стекнатите знаења и вештини од предавањата и ги надградуваат преку практична примена. Кога на UX/UI дизајн вештините ќе се додадат графичкиот дизајн и нивната примената во ИТ-светот, добиваме уникатна професија со бескрајни можности за сигурна кариера и иднина.

Доколку ти требаат повеќе информации за тоа каква професија е UX/UI дизајнот или пак сакаш да стекнеш реално работно искуство уште за време на твоите студии кое ќе ти овозможи понуди за работа уште пред дипломирање, закажи информативна средба.