Како изгледа практично студирање на Brainster Next College? Многу од матурантите не можеа да си замислат како изгледа студирањето на практичен факултет — па затоа ние решевме да им помогнеме да дознаат.
Организиравме отворен ден но, не зборуваме за класично студирање. Не зборуваме за предавања што завршуваат само со теорија. Не зборуваме за испити што постојат само за оценка.
Зборуваме за практично студирање.
Студирање во кое студентите работат на реални предизвици, за реални клиенти, со реални рокови, реални очекувања и реална одговорност.
Токму тоа се случуваше овој викенд на Brainster Next College во живо на Хакатон на кој се натпреваруваа 60 наши студенти.
Кога култен бренд ќе ти даде доверба, знаеш дека работиш нешто важно
Бушава Азбука е повеќе од бренд. За многумина од нас, таа е дел од детството. Дел од првите букви. Дел од првите приказни. Дел од културната меморија на генерации.
Затоа, кога еден ваков култен бренд ја дава својата доверба на нашиот факултет и на нашите студенти — тоа не е само уште еден студентски проект.
Тоа е доказ дека практичното образование може да создава реална вредност.
Овој викенд, студентите на Brainster Next College добија предизвик:
да развијат концепти за 4 игри инспирирани од Бушава Азбука. И имаа само 48 часа.
48 часа работа, тимска енергија и идеи што можат да станат реалност
Во текот на хакатонот, нашите студенти работеа без престан заедно со професорите, тимот на Brainster Next College и тимот на Бушава Азбука.
Истражуваа. Размислуваа. Дизајнираа. Кодираа.Тестираа.Презентираа.
За само 48 часа, студентските тимови изработија 4 различни предлози за игри за Бушава Азбука.
Студентите добија искуство што не може да се научи само од книга. Добија можност да работат на проект што има културна вредност. Добија чувство како изгледа професионална работа во реален свет.
Затоа постои Brainster Next College
Еден од главните столбови на методологијата на Brainster Next College е токму работата на реални проекти за компании, организации и брендови.
Затоа што студентите не треба да чекаат да дипломираат за првпат да се сретнат со клиент.
Тие треба да научат како се комуницира со клиент. Како се работи во тим. Како се презентира идеја. Како се гради портфолио уште додека студираш.
Тоа е разликата помеѓу студирање за диплома и студирање за кариера.
Отворен ден + хакатон: можност матурантите да ѕирнат во иднината
Овој викенд не го отворивме факултетот само за хакатонот. Ги отворивме вратите и за средношколците, матурантите и родителите кои сакаат да видат како навистина изгледа практично студирање.
На Отворениот ден, кандидатите имаа можност да ја почувствуваат атмосферата на кампусот, да се запознаат со нашиот тим, да слушнат искуства од студентите и компаниите и да дознаат како изгледа студирањето на факултет каде што теоријата веднаш се претвора во пракса.
Паралелно, додека студентите работеа на игрите за Бушава Азбука, идните студенти можеа да видат нешто што ретко се гледа на класичен отворен ден: реално студирање во живо.
Довербата се гради. Бушава Азбука ни ја даде.
Довербата не се добива случајно. Таа се гради со резултати, со работа и со луѓе кои знаат да преземат одговорност. Бушава Азбука ја даде својата доверба на Brainster Next College и на нашите студенти.
А нашите студенти покажаа дека кога ќе им се даде реален предизвик — тие знаат да одговорат со идеи, енергија и работа.Ова е само еден викенд на Brainster Next College.
Но, токму ваквите викенди ја покажуваат суштината на практичното образование.
