YouTube е вреден ресурс за широк опсег на луѓе, а тука спаѓаат и програмерите бидејќи има многу канали кои нудат туторијали и совети за програмери од сите нивоа. Овие канали можат да бидат одличен начин да научиш нови концепти за програмирање, да ги подобриш твоите вештини и да останеш во тек со најновите трендови и технологии.
Еден од најпопуларните типови на содржини поврзани со програмирање на YouTube се видеата со туторијали. Овие видеа даваат чекор-по-чекор инструкции за тоа како да завршиш одредена програмска задача или да изградиш одредена апликација. Многу од овие видеа се наменети за почетници и обезбедуваат добар вовед во нов програмски јазик или рамка. Некои од најпопуларните програмски јазици и рамки кои се опфатени во видеата со упатства вклучуваат Python, Java, JavaScript и C++, и слично.
Друг популарен тип на содржини поврзани со програмирање на YouTube се talk-shows и подкасти. Овие видеа обично содржат интервјуа со експерти од индустријата, дискусии за најновите програмски трендови и технологии.
YouTube е исто така одлично место за наоѓање видеа кои ја прикажуваат работата на други програмери. Слични се како туторијалите, но онично ваквиот тип на видеа се за малку понапредни програмери. На пример, има многу видеа кои го прикажуваат процесот на градење на одредена апликација, како веб-страница или мобилна апликација. Овие видеа можат да бидат одличен начин да научиш за процесот на градење апликација и да добиеш инспирација за твоите сопствени проекти.
Покрај тоа, има и многу канали кои обезбедуваат видеа за специфични програмски теми како што се развој на веб, наука за податоци, вештачка интелигенција и машинско учење. Овие канали обично имаат специфичен фокус и обезбедуваат детални информации за одредена тема.
Една од најголемите придобивки на YouTube како ресурс за учење на програмирање е фактот што е достапен за секој со интернет конекција. Многу од упатствата и видеата за програмирање на YouTube се бесплатни за гледање и до нив може да се пристапи во секое време. Ова им олеснува на луѓето да учат програмирање по сопствен распоред и со свое темпо.
Во продолжение, погледни ги 5-те најпопуларни YouTube канали за програмирање
Gyasi Linje
Gyasi е страстен софтверски инженер кој има 3 години искуство во индустријата за Full-Stack програмирање, Front-End програмирање и корисничко искуство во Agile.
Тој моментално работи како Front-End софтверски инженер, а причината поради која го има започнато својот YouTube канал е неговата цел да им помогне на луѓето да најдат кариера во технологијата преку споделување на неговите искуства како дипломиран инженер за компјутерски науки и актуелен софтверски инженер.
Lewis Menelaws
Lewis е програмер и претприемач кој има целосна страст да учи и да предава.
Тој професионално се занимава со програмирање веќе 5 години, а како хоби повеќе од 8 години. Тој е коосновач на TMRRW INC. и ужива во бизнисот и програмирањето. Неговите цели со креирањето контент на неговиот YouTube канал се да го сподели она што му е интересно и да ги инспирира истомислениците, притоа обезбедувајќи увид на почетно ниво за технологиите што ги користи.
Simplilearn
Simplilearn е број 1 онлајн Bootcamp во светот и претставува еден од водечките светски даватели на обука за сертификација. Со седиште во Сан Франциско, Калифорнија и Бангалор, Индија, обезбедуваат обуки во области каде технологиите и најдобрите практики се менуваат брзо, а побарувачката за квалификувани кандидати значително ја надминува понудата. Со инструкции во живо од водечки експерти, интерактивни лаборатории и проекти, соработка и поддршка за учење 24/7, им нудат на учениците сеопфатна наставна програма.
edureka!
Edureka е интерактивна платформа за онлајн учење со мисија да го направи учењето достапно за секого. Нудат курсеви предводени од инструктори, заедно со 24/7 поддршка за да се постигнат највисоки стапки на завршување на курсот во индустријата.
Од висококвалитетни видеа и вебинари до снимени часови и предавања од индустриски практичари и влијателни лица, тие генерираат содржини за трендовски теми во областите на Big Data & Hadoop, DevOps, Blockchain, вештачка интелигенција, Angular, Data Science, Apache Spark, Python, Selenium, Tableau, Android, PMP сертификација, AWS Architect, дигитален маркетинг и многу повеќе.
Aaron Jack
Од професор по англиски јазик до софтверски инженер на Uber. Со една реченица вака може да се опише кариерното патешествие на Aaron.
Сега, дел од неговата цел е да прави видеа на YouTube, да ги учи луѓето како да програмираат онлајн, да прави други интересни технолошки видеа, како и да нуди менторски сесии на луѓето во неговата онлајн програма.
За крај, со сигурност можеме да кажеме дека YouTube е вреден ресурс за програмери од сите нивоа. Од туторијални видеа погодни за почетници до детални разговори и подкасти, има широк спектар на содржини поврзани со програмирање достапни на YouTube. Без разлика дали штотуку започнувате со програмирање или сте искусен професионалец кој сака да ги подобри своите вештини, на YouTube има по нешто за секого.
Brainster Next College е првиот акредитиран практичен ИТ-факултет кај нас кој нуди две уникатни додипломски студии за Софтверско инженерство и иновации, и UI/UX и графички дизајн.
Преземи го првиот чекор кон успешна кариера и дознај повеќе за нашите програми, методологија на работа, професори и процес на аплицирање.
За повеќе информации, закажи средба сега!
